Մոուրինյո. Մինչեւ երեկ Իտալիան լավագույնն էր Եվրո–2020–ում
20:12 7 հուլիսի, 2021Իտալական «Ռոմայի» պորտուգալացի գլխավոր մարզիչ Ժոզե Մոուրինյոն մեկնաբանել է Իտալիայի հավաքականի հաղթանակը իսպանացիների նկատմամբ Եվրո–2020–ի կիսաեզրափակիչում։
Հիմնական եւ լրացուցիչ ժամանակն ավարտվել էր ոչ ոքի՝ 1։1։ Հետխաղային 11 մետրանոցներով Իտալիան հաղթել էր 4։2 հաշվով։
«Իտալիան հուսալի, համբերատար, պաշտպանողական եւ կոմպակտ էր, ինչպես նախորդ տարիներին։ Բայց Իտալիան մինչեւ կիսաեզրափակիչը շատ ավելի լավ թիմ էր։ Մինչեւ երեկ նրանք լավագույնն էին այս առաջնությունում կամ լավագույններից մեկը։
Իսպանիան շատ լավն էր, բայց ես հիասթափված եմ, որ լրացուցիչ ժամանակում նրանք ոչ մի նոր մոտեցում չդրսեւորեցին։ Իսկ 11 մետրանոցն արվեստ է։ Պետք է այնքան բարձր կարգ ունենաս եւ այնպես վերահսկես հույզերդ այդքան ահռելի պատասխանատվության ֆոնին, որ չձախողվես»,– Մոուրինյոյի խոսքը մեջբերում է TalkSport–ը։
Եզրափակիչում Իտալիայի մրցակիցը կլինի Անգլիա – Դանիա դիմակայության հաղթողը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.