Սպինացոլան բուռն է արձագանքել Իտալիայի հավաքականի հաղթական 11 մետրանոցին
14:10 7 հուլիսի, 2021Հռոմի «Ռոմայի» պաշտպան Լեոնարդո Սպինացոլան բուռն է արձագանքել Իտալիայի հավաքականի՝ Եվրո-2020-ի եզրափակիչ դուրս գալուն: «Ռոմայի» մամուլի ծառայությունը հրապարակել է տեսանյութ, որտեղ երևում են 28-ամյա ֆուտբոլիստի հույզերը:
Բելգիայի հավաքականի դեմ Եվրո-2020-ի քառորդ եզրափակիչի խաղում (2:1) ստացած ծանր վնասվածքի պատճառով Լեոնարդո Սպինացոլան օրեր առաջ լքել էր Իտալիայի հավաքականի ճամբարը և ուղևորովել Հռոմ: Նա արդեն վիրահատվել է և բաց կթողնի 6-7 ամիս: Եվրո-2020-ում իտալացի պաշտպանը 2 անգամ ճանաչվել է հանդիպման լավագույն ֆուտբոլիստ:
Հիշեցնենք, որ Լոնդոնի «Ուեմբլի» ստադիոնում կայացած խաղում իտալացիները հաղթել էին հետխաղյա 11 մետրանոցներով և դուրս եկել եզրափակիչ: Հանդիպման հիմնական ու լրացուցիչ ժամանակն ավարտվել էր 1:1 հաշվով:
Եվրո-2020-ի եզրափակիչի մյուս ուղեգիրը հուլիսի 7-ին «Ուեմբլիում» կվիճարկեն Անգլիայի և Դանիայի հավաքականները:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։