Ֆուտբոլի Իտալիայի և Իսպանիայի հավաքականների միջև Եվրո-2020-ի կիսաեզրափակիչի հանդիպման լավագույն ֆուտբոլիստ է ճանաչվել իտալացի Ֆեդերիկո Կյեզան:
Լոնդոնի «Ուեմբլի» ստադիոնում կայացած խաղում Թուրինի «Յուվենտուսի» 23-ամյա կիսապաշտպանը դարձել էր գոլի հեղինակ ու մեկնարկային կազմում հանդես եկել 107 րոպե:
Հիշեցնենք, որ իտալացիները հաղթել էին հետխաղյա 11 մետրանոցներով: Հանդիպման հիմնական ու լրացուցիչ ժամանակն ավարտվել էր 1:1 հաշվով:
Եզրափակիչի մյուս ուղեգիրը հուլիսի 7-ին «Ուեմբլիում» կվիճարկեն Անգլիայի և Դանիայի հավաքականները:
Իտալիայի հավաքականի՝ 2018 թվականից սկսված անպարտելի շարքը հասավ 33 հանդիպման: Այդ ցուցանիշով ռեկորդակիր են Բրազիլիայի ու Իսպանիայի հավաքականները, որոնք չեն պարտվել 35 խաղ անընդմեջ: Բրազիլացիները ռեկորդային շարքը գրանցել են 1993-1996թթ., իսկ իսպանացիները՝ 2007-2009թթ.:
Goalscorer EURO 2020 finalist
— UEFA EURO 2020 (@EURO2020) July 6, 2021
Well played, Federico Chiesa!
Did you predict that? @Heineken | #EUROSOTM | #EURO2020 pic.twitter.com/RkaurUA5qF
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։