Եվրո-2020․ Իտալիան ու Իսպանիան պայքարը կշարունակեն լրացուցիչ ժամանակում (ֆոտո)
00:50 7 հուլիսի, 2021Լոնդոնի «Ուեմբլի» ստադիոնում ընթացող Եվրո-2020-ի կիսաեզրափակիչի առաջին դիմակայությունում իտալացիները մրցում են Իսպանիայի հավաքականի հետ։ Հիմնական ժամանակից հետո հաշիվը հավասար է՝ 1։1։
Առաջին խաղակեսում գնդակին ավելի շատ էին տիրում իսպանացիները, ավելի հաճախ էին մոտենում մրցակցի դարպասին, բայց միայն մեկ անգամ ստեղծեցին վտանգավոր պահ։ Գերմանական «ՌԲ Լայպցիգի» 23-ամյա կիսապաշտպան Դանի Օլմոյի հարվածից հետո դրությունը փրկեց 22-ամյա դարպասապահ Ջանլուիջի Դոնարուման։
Ռոբերտո Մանչինիի գլավորած թիմը մի քանի վտանգավոր գրոհներ անցկացրեց, սակայն գործը հարվածի չհասավ։
Ընդմիջումից հետո Լուիս Էնրիկեի գլավորած թիմը շարունակում էր տիրել նախաձեռնությանը, սակայն գոլ խփեցին իտալացիները։ 60-րդ րոպեին դարպասապահ Դոնարումայի սկսած գրոհը շարունակեց «Նապոլիի» 30-ամյա հարձակվող Լորենցո Ինսինիեն, իսկ արդյունավետ հարվածով եզրափակեց Թուրինի «Յուվենտուսի» 23-ամյա հարձակվող Ֆեդերիկո Կիեզան։
Chiesa fires Italy into the lead at Wembley! #EURO2020 https://t.co/Ag4XxlIVMD pic.twitter.com/6GmFi1jCXA
— UEFA EURO 2020 (@EURO2020) July 6, 2021
80-րդ րոպեին Իսպանիան կարողացավ վերականգնել հավասարությունը։ Դանի Օլմոյի փոխանցումից հետո աչքի ընկավ «Յուվենտուսի» 28-ամյա հարձակվող Ալվարո Մորատան։
Scenes for Spain at Wembley! #EURO2020 pic.twitter.com/sxvstt92eP
— UEFA EURO 2020 (@EURO2020) July 6, 2021
Նշանակվել է լրացուցիչ ժամանակ։
Եզրափակիչի մյուս ուղեգիրը հուլիսի 7-ին «Ուեմբլիում» կվիճարկեն Անգլիայի եւ Դանիայի հավաքականները։
Եվրո-2020, կիսաեզրափակիչ, հիմնական ժամանակ
Իտալիա - Իսպանիա՝ 1։1 (Լոնդոն)
Ֆեդերիկո Կիեզա, 60 - Ալվարո Մորատա, 80
Federico Chiesa = big game player #EURO2020 pic.twitter.com/9idCf9XuXM
— UEFA EURO 2020 (@EURO2020) July 6, 2021
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.