Մարոկկոյի հավաքականի պաշտպան Աշրաֆ Հակիմին Իտալիայի չեմպիոն Միլանի «Ինտերից» տեղափոխվել է ֆրանսիական ՊՍԺ։ 22-ամյա ֆուտբոլիստի պայմանագիրը նախատեսված է մինչեւ 2026թ․ հունիս, հաղորդում է փարիզյան ակումբի մամուլի ծառայությունը։
Ոչ պաշտոնական տվյալով, «Ինտերը» Հակիմիի տրանսֆերից ստացել է 60 միլիոն եվրո։ Եվս 11 միլիոն եվրո կվճարվի հետագայում բոնուսների տեսքով։
Ավարտված ակումբային մրցաշրջանում Աշրաֆ Հակիմին մասնակցել է 45 հանդիպման, խփել 7 գոլ, կատարել 11 գոլային փոխանցում։
Աշրաֆ Հակիմին Մադրիդի «Ռեալի» ակադեմիայի սան է, մինչեւ «Ինտեր» տեղափոխվելը երկու մրցաշրջան վարձակալությամբ անցկացրել էր Դորտմունդի «Բորուսիայում»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։