Ուիմբլդոն. Աշխարհի երկրորդ ռակետի սենսացիոն պարտությունը

18:13   6 հուլիսի, 2021

Աշխարհի երկրորդ ռակետ Դանիիլ Մեդվեդեւը չկարողացավ դուրս գալ Ուիմբլդոնի մրցաշարի քառորդ եզրափակիչ՝ սենսացիոն պարտություն կրելով 18–րդ ռակետ, լեհ Հուբերտ Հուրկաչին։ 3 ժամ 7 րոպե տեւած պայքարում ռուսաստանցի թենիսիստը պարտվեց 6:2, 6:7 (2:6), 6:3, 3:6, 3:6 հաշվով։

Հանդիպումը մեկնարկել էր հուլիսի 5–ին, սակայն անձրեւի պատճառով ընդհատվել էր չորրորդ սեթում եւ շարունակվել հուլիսի 6–ին։

Քառորդ եզրափակիչում Հուրկաչի մրցակիցը կլինի շվեյցարացի Ռոջեր Ֆեդերերը։

Մեդվեդեւը Ուիմբլդոնի մրցաշարի եզրափակիչ հասնելու դեպքում կարող էր դառնալ աշխարհի առաջին ռակետ, եթե սերբ Նովակ Ջոկովիչը չհասներ եզրափակիչ կամ եզրափակիչում պարտվեր ռուսաստանցուն։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։