Լուիս Էնրիկե. 2 թիմերն էլ կունենան գոլային պահեր
15:14 6 հուլիսի, 2021Ֆուտբոլի Իսպանիայի հավաքականի գլխավոր մարզիչ Լուիս Էնրիկեն անդրադարձել է իտալացիների դեմ Եվրո-2020-ի կիսաեզրափակիչի հանդիպմանը:
«Չեմ կարծում, որ թիմերից մեկին կհաջողվի գերիշխել խաղադաշտում: Հետաքրքիր կլինի հետևել, թե ով կհաղթի այս մրցամարտում: Իտալիայի հավաքականում շատ են բարձրակարգ խաղացողները, սակայն ամենագլխավորն այն է, որ դա իսկական թիմ է: Նրանք գրոհում ու պաշտպանվում են ամբողջ թիմով այնպես, ինչպես մենք: Իտալացիները սիրում են կիրառել բարձր պրեսինգ, ինչը նախկինում չկար նրանց խաղաոճում: Իտալիայի հավաքականն ուժեղ է մի շարք ասպեկտներից, այնպես որ, լինելու է հետաքրքիր հանդիպում: 2 թիմերն էլ կունենան գոլային պահեր»,- իսպանացի մասնագետի խոսքը մեջբերում է ՈւԵՖԱ-ի մամուլի ծառայությունը:
Հուլիսի 6-ին Լոնդոնի «Ուեմբլի» ստադիոնում կայանալիք Իտալիա – Իսպանիա հանդիպումը կսկսվի Երևանի ժամանակով 23:00-ին: Գլխավոր մրցավարն է գերմանացի Ֆելիքս Բրիխը:
Եվրո-2020-ի փլեյ-օֆֆ-ում իտալացիները պայքարից դուրս են թողել Ավստրիայի (2:1) և Բելգիայի (2:1) հավաքականներին, իսկ իսպանացիները լրացուցիչ ժամանակում ուժեղ են գտնվել աշխարհի փոխչեմպիոն Խորվաթիայից (5:3) և հետխաղյա 11 մետրանոցներով հաղթել Շվեյցարիային (1:1, 3:1):
Հիշեցնենք, որ եզրափակիչի մյուս ուղեգիրը հուլիսի 7-ին «Ուեմբլիում» կվիճարկեն Անգլիայի և Դանիայի հավաքականները:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.