Ֆեդերերը 18-րդ անգամ դուրս եկավ Ուիմբլդոնի մրցաշարի 1/4 եզրափակիչ

00:29   6 հուլիսի, 2021

Ռոջեր Ֆեդերերը դուրս եկավ Ուիմբլդոնի մրցաշարի քառորդ եզրափակիչ։ Շվեյցարացի թենիսիստը մրցեց իտալացի Լորենցո Սոնեգոյի հետ եւ առավելության հասավ 7:5, 6:4, 6:2 հաշվով։ Պայքարը տեւեց 2 ժամ 11 րոպե։

Ֆեդերերի հաջորդ մրցակիցը կլինի ռուսաստանցի Դանիիլ Մեդվեդեւի եւ լեհ Հուբերտ Հուրկաչի դիմակայության հաղթողը։

Ուիմբլդոնի 8-ակի հաղթող Ֆեդերերը 18-րդ անգամ դուրս եկավ այս մրցաշարի քառորդ եզրափակիչ։

Այս տարի տիտղոսը պաշտպանում է աշխարհի առաջին ռակետ, սերբ Նովակ Ջոկովիչը։ Մենախաղի հաղթողը կստանա 1,7 միլիոն ֆունտ ստերլինգ։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։