Լեհաստանի հավաքականի հարձակվող Ռոբերտ Լևանդովսկին երկրպագուների վարկածով ճանաչվել է Մյունխենի «Բավարիայի»՝ 2020/21թթ. մրցաշրջանի լավագույն ֆուտբոլիստ, hաղորդում է ակումբի մամուլի ծառայությունը:
Քվեարկության ադրյունքում 32-ամյա Լևանդովսկին ստացել է ձայների 76 տոկոսը: Երկրորդ տեղում հայտնվել է Թոմաս Մյուլերը (10 տոկոս), եռյակը եզրափակել է Յոզուա Կիմիխը (6 տոկոս):
Նախորդ մրցաշրջանում լեհ հարձակվողը «Բավարիայի» կազմում անցկացրել է 40 հանդիպում և դարձել 48 գոլի հեղինակ:
Հիշեցնենք, որ ավարտված մրցաշրջանում Լևանդովսկին կարիերայում առաջին անգամ արժանացել էր «Ոսկե խաղակոշիկ» մրցանակին, որը շնորհվում է եվրոպական առաջնությունների լավագույն ռմբարկուին: Գերմանիայի ավարտված առաջնությունում նա դարձավ 41 գոլի հեղինակ և գերազանցեց Գերդ Մյուլերի՝ Բունդեսլիգայի մեկ մրցաշրջանում խփած գոլերի ռեկորդը: Գերմանացի լեգենդար հարձակվողը «Բավարիայի» կազմում ռեկորդը սահմանել էր 1971/72թթ. մրցաշրջանում՝ խփելով 40 գոլ:
Ռոբերտ Լևանդովսկին 2014 թվականից է հանդես գալիս «Բավարիայում», որի հետ նրա գործող պայմանագիրը նախատեսված է մինչև 2023 թվականի հունիսի 30-ը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։