Եվրո-2020. Դանիայի հավաքականը կիսաեզրափակիչում է (ֆոտո, վիդեո)

21:56   3 հուլիսի, 2021

29 տարի անց ֆուտբոլի Դանիայի հավաքականը դարձյալ կխաղա Եվրոպայի առաջնության կիսաեզրափակիչում:

11 երկրների 11 քաղաքներում անցկացվող Եվրո-2020-ի քառորդ եզրափակիչում 1992թ. Եվրոպայի չեմպիոնը 2:1 հաշվով հաղթեց Չեխիայի հավաքականին: 

Հանդիպման հաշիվը 5-րդ րոպեին բացեց Դորտմունդի «Բորուսիայի» կիսապաշտպան Թոմաս Դելեյնին, իսկ առաջին խաղակեսի վերջնամասում ֆրանսիական «Նիցայի» հարձակվող Կասպեր Դոլբերգը կրկնապատկեց դանիացիների առավելությունը:

Երկրորդ խաղակեսի սկզբնամասում գերմանական «Բայերի» հարձակվող Պատրիկ Շիկը կրճատեց հաշիվը, սակայն Չեխիայի հավաքականին չհաջողվեց անել ավելին: 25-ամյա Պատրիկ Շիկը 5-րդ գոլը խփեց Եվրո-2020-ում և հավասարվեց ռմբարկուների ցուցակը գլխավորող Կրիշտիանու Ռոնալդուին, որը Պորտուգալիայի հավաքականի հետ լքել է պայքարը:

Կիսաեզրափակիչում Դանիայի հավաքականը կմրցի հուլիսի 3-ին Հռոմի «Օլիմպիկո» ստադիոնում կայանալիք Ուկրաինա - Անգլիա զույգի հաղթողի հետ:

Հիշեցնենք, որ կիսաեզրափակիչի առաջին զույգը կազմել են Իտալիայի ու Իսպանիայի հավաքականները:

Եվրո-2020, քառորդ եզրափակիչ

Չեխիա – Դանիա՝ 1:2 (տեսանյութ)

Պատրիկ Շիկ, 49 - Թոմաս Դելեյնի, 5, Կասպեր Դոլբերգ, 42

Չեխիա (4-2-3-1). Թոմաշ Վացլիկ, Վլադիմիր Ցոուֆալ, Օնդրժեյ Չելուստկա, Թոմաշ Կալաս, Յան Բորժիլ, Թոմաշ Սոուչեկ, Տոմաշ Հոլեշ, Պետր Շևչիկ, Լուկաշ Մասոպուստ, Անտոնին Բարակ, Պատրիկ Շիկ:

Դանիա (3-4-3). Կասպեր Շմեյխել, Սիմոն Կյաեր, Անդրեաս Կրիստենսեն, Յաննիկ Վեստերգոր, Յոակիմ Մեհլե, Յանս Լարսեն, Թոմաս Դելեյնի, Պյեր-Էմիլ Հոյբերգ, Միկել Դամսգոր, Մարտին Բրեթուեյթ, Կասպեր Դոլբերգ:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։