Իտալիայի հավաքականի ռեկորդները

17:22   3 հուլիսի, 2021

Իտալիայի հավաքականը Եվրո-2020-ի քառորդ եզրափակիչում Բելգիայի հավաքականի նկատմամբ 2։1 հաշվով հաղթանակի արդյունքում սահմանել է ռեկորդներ:

Gracenote-ի համաձայն՝ Իտալիայի հավաքականը պատմության երկրորդ թիմն է, որին հաջողվում է Եվրոպայի մեկ առաջնությունում տանել 5 անընդմեջ հաղթանակ: Եվրո-1984-ում ռեկորդը սահմանել էր Ֆրանսիայի հավաքականը, որը նվաճել էր չեմպիոնի կոչումը:

Հաշվի առնելով ընտրական փուլի խաղերը՝ իտալացիները Եվրոպայի առաջնությունում տարել են 15-րդ անընդմեջ հաղթանակը, ինչը ևս ռեկորդային ցուցանիշ է:

Բացի այդ, իտալացիների՝ 2018 թվականից սկսված անպարտելի շարքը հասել է 32 հանդիպման: Այդ ցուցանիշով ռեկորդակիր են Բրազիլիայի ու Իսպանիայի հավաքականները, որոնք չեն պարտվել 35 խաղ անընդմեջ: Բրազիլացիները ռեկորդային շարքը գրանցել են 1993-1996թթ., իսկ իսպանացիները՝ 2007-2009թթ.:

Հիշեցնենք, որ հուլիսի 6-ին Լոնդոնի «Ուեմբլի» ստադիոնում կայանալիք կիսաեզրափակիչում Ռոբերտո Մանչինիի գլխավորած թիմը կմցի Իսպանիայի հավաքականի հետ, որը հետխաղյա 11 մետրանոցներով հաղթել է շվեյցարացիներին:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։