Լուիս Էնրիկե. Երբևէ տեսածս ամենահանգիստ 11 մետրանոց հարվածաշարն էր
16:20 3 հուլիսի, 2021Իսպանիայի հավաքականի գլխավոր մարզիչ Լուիս Էնրիկեն Եվրո-2020-ի քառորդ եզրափակիչում շվեյցարիայի հավաքականի նկատմամբ հետխաղյա 11 մետրանոցներով հաղթանակից հետո կիսվել է տպավորություններով:
«Սա ամենահանգիստ հետխաղյա 11 մետրանոց հարվածաշարն էր, որը ես երբևէ տեսել եմ, քանի որ մենք շատ լավ էինք մարզվել ու պատրաստվել: Այդ պատճառով ես ու մեր մարզչական շտաբը ոչինչ պետք է չաներ:
Ամենասկզբում ասել եմ, որ մենք մեկն ենք այն 7-8 թիմերից, որոնք ի զորու են հաղթել Եվրոպայի առաջնությունում: Հիմա մենք լավագույն քառյակում ենք»,- իսպանացի մասնագետի խոսքը մեջբերում է ՈւԵՖԱ-ի մամուլի ծառայությունը:
Հիշեցնենք, որ հուլիսի 6-ին Լոնդոնի «Ուեմբլի» ստադիոնում կայանալիք կիսաեզրափակիչում իսպանացիները կխաղան Իտալիայի հավաքականի հետ, որը 2:1 հաշվով հաղթել է բելգիացիներին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։