Ռոբերտո Մանչինի. Արժանի էինք հաղթանակի
14:15 3 հուլիսի, 2021Իտալիայի հավաքականի գլխավոր մարզիչ Ռոբերտո Մանչինին մեկնաբանել է Եվրո-2020-ի քառորդ եզրափակիչում Բելգիայի հավաքականի նկատմամբ հաղթանակը 2։1 հաշվով։
«Մենք արժանի էինք հաղթանակի: Տղաները հրաշալի խաղացին: Այո, ստիպված էինք դիմանալ վերջին 10 րոպեներին, քանի որ շատ էինք հոգնել, սակայն կարողացել էինք ավելի շատ գոլ խփել դրանից առաջ:
Մեկնարկային 25 րոպեներին բաց ֆուտբոլ էր ընթանում, 2 թիմերն էլ ունեին գոլային պահեր: Մենք դժվարություններ ունեցանք վերջին 10 րոպեներին:
Մենք չենք ունեցել նվազագույն նպատակներ: Պարզապես ցանկանում էինք անել այն ամենը, ինչը մեր ուժերի սահմանում է: Առջևում կա 2 խաղ, տեսնենք, թե ինչ տեղի կունենա: Եկեք վայելենք այս հաղթանակը, իսկ հետո նոր կմտածենք Իսպանիայի հավաքականի դեմ խաղի մասին: Շնորհավորում եմ տղաներին, նրանք կատարեցին հրաշալի աշխատանք»,- իտալացի մասնագետի խոսքը մեջբերում է Football Italia-ն:
Հիշեցնենք, որ հուլիսի 6-ին Լոնդոնի «Ուեմբլի» ստադիոնում կայանալիք կիսաեզրափակիչում իտալացիները կմցեն Իսպանիայի հավաքականի հետ, որը հետխաղյա 11 մետրանոցներով հաղթել է շվեյցարացիներին:
Gracenote-ի համաձայն՝ Իտալիայի հավաքականը պատմության երկրորդ թիմն է, որին հաջողվում է Եվրոպայի մեկ առաջնությունում տանել 5 անընդմեջ հաղթանակ: Եվրո-1984-ում ռեկորդը սահմանել էր Ֆրանսիայի հավաքականը, որը նվաճել էր չեմպիոնի կոչումը: Բացի այդ, իտալացիների անպարտելի շարքը հասել է 32 հանդիպման:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.