Սերժ Թանկյանը կոչ է արել մասնակցել ստորագրահավաքին և Բաքվին զրկել Եվրո-2020- ի խաղից (ֆոտո)

System of a Down խմբի ամերիկահայ ռոք երաժիշտ Սերժ Թանկյանն անթույլատրելի է համարում Բաքվում նախատեսված Եվրո-2020-ի քառորդ եզրափակիչի հանդիպման անցկացումը և ՈւԵՖԱ-ին կոչ է արել չեղարկել այն: Նա նաև կոչ է արել միանալ Change.org կայքում անցկացվող ստորագրահավաքին, որն ուղղված է Բաքվում կայանալիք խաղը չեղարկելուն:

«Չի կարելի թույլ տալ, որ Ադրբեջանն իրագործի ռազմական հանցագործություններ, իսկ հետո անցկացնի միջազգային միջոցառում, կարծես՝ ոչինչ չի էլ եղել։ Ստադիոնը, որտեղ անցկացվելու է Եվրո-2020-ի քառորդ եզրափակիչի հանդիպումը, մոտ է խայտառակ ռասիստական հաղթանակի զբոսայգուց, որտեղ ցուցադրված են զոհված հայ զինվորների սաղավարտներն ու հայերի ռասիստական ծաղրանկարները»,- թվիթերյան էջում գրել է Թանկյանը։

Հիշեցնենք, որ հուլիսի 3-ին Բաքվում տեղի կունենա Չեխիա – Դանիա Եվրո-2020-ի քառորդ եզրափակիչի հանդիպումը:

Azerbaijan cannot be allowed to commit war crimes and then host international events like nothing happened. The stadium where the Euro 2020 Quarterfinals will be held is a short distance from the shamefully racist Victory park. https://t.co/hz0vfLf4mo

— Serj Tankian (@serjtankian) July 1, 2021