Պոգբա. Երբեմն ֆուտբոլն անողոք է եւ գեղեցիկ, շնորհավորում եմ Շվեյցարիային (ֆոտո)
22:50 30 հունիսի, 2021Եվրո–2020–ի 1/8 եզրափակիչում Շվեյցարիայի հավաքականի արգելքը չհաղթահարած աշխարհի չեմպիոն Ֆրանսիայի հավաքականի եւ անգլիական «Մանչեսթեր Յունայթեդի» կիսապաշտպան Պոլ Պոգբան Ինստագրամում մեկնաբանել է ձախողումը։
«Երբեմն ֆուտբոլը լինում է անողոք... անողոք եւ գեղեցիկ։ Այս խաղը մեզ բերեց տխրություն, բայց ուրախացրեց մեր մրցակիցներին։ Սա է ֆուտբոլի ամբողջ պերճանքը։ Իհարկե, բոլորս ցանկանում էինք հասնել դրական արդյունքի։
Շատ շնորհակալ ենք մեր բոլոր երկրպագուներին ամբողջ աշխարհում։ Հաճելի էր տեսնել ձեզ, լսել ձեզ, տոնել ձեզ հետ։ Մենք ձեզ պարգեւում էինք հույս եւ ուրախություն մեր բոլոր հանդիպումների ընթացքում։ Մենք կվերադառնանք ավելի ուժեղ։
Վերջում ցանկանում եմ շնորհավորել Շվեյցարիային»,– գրել է Պոգբան։
Հիշեցնենք, որ Ֆրանսիան ու Շվեյցարիան հիմնական եւ լրացուցիչ ժամանակն ավարտել էին ոչ ոքի՝ 3։3։ Հետխաղային 11 մետրանոցներով Շվեյցարիան հաղթել էր 5։4 հաշվով։ Հարվածը ձախողել էր ՊՍԺ–ի հարձակվող Կիլիան Մբապեն։
Քառորդ եզրափակիչում Շվեյցարիան հուլիսի 2–ին կմրցի Իսպանիայի հետ։
View this post on Instagram
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։