Դե Լիգտ․ Փաստացի մենք պարտվեցինք իմ արածի հետեւանքով
00:26 28 հունիսի, 2021Եվրո-2020-ի 1/8 եզրափակիչում Չեխիայի հավաքականին 0։2 հաշվով պարտված Նիդերլանդների հավաքականի եւ Թուրինի «Յուվենտուսի» պաշտպան Մատեյս Դե Լիգտը մեկնաբանել է իր հեռացումն ու դրանից հետո տանուլ տված պայքարը։ Նիդերլանդների թիմը երկու գոլն էլ բաց թողեց Դե Լիգտի հեռացումից հետո։
«Իհարկե, զգացողություններն ահավոր են։ Փաստացի մենք պարտվեցինք իմ արածի հետեւանքով։ Այդ դրվագում ես պետք է հեռացնեի գնդակը։
Կարծում եմ՝ մենք վերահսկում էինք խաղը, ստեղծում էինք վտանգավոր պահեր, հատկապես, առաջին խաղակեսում։ Ես տպավորություն չունեի, որ մրցակիցն ավելի շատ պահեր է ստեղծում, բայց ամեն ինչ վճռեց կարմիր քարտը»,- Դե Լիգտի խոսքը մեջբերում է Goal.com-ը։
Ֆրանկ Դե Բուրի գլխավորած թիմը չեխերի հետ խաղում ոչ մի անգամ չի հարվածել դարպասին։ Աշխարհի ու Եվրոպայի առաջնությունների եզրափակիչ մրցաշարերում հոլանդացիներն անցկացրել են 89 հանդիպում եւ առաջին անգամ են խաղադաշտից հեռանում առանց դարպասին կատարած հարվածի։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.