Ըմբշամարտի միջազգային ֆեդերացիան (UWW) ներկայացրել է Ճապոնիայի մայրաքաղաք Տոկիոյում կայանալիք 32-րդ ամառային Օլիմպիական խաղերի հունահռոմեական ըմբշամարտի մրցաշարի քաշային կարգերի լավագույն քառյակները:
Ռիո-2016 Օլիմպիական խաղերի չեմպիոն, աշխարհի եռակի ու Եվրոպայի հնգակի չեմպիոն, Եվրոպական խաղերի հաղթող Արթուր Ալեքսանյանը երկրորդն է 97 կգ քաշային կարգում, որտեղ առաջատարը ռուս Մուսա Եվլոևն է:
Եվրոպական խաղերի փոխչեմպիոն Կարապետ Չալյանը երրորդն է 77 կգ քաշային կարգում: Գյումրեցի ըմբիշից առաջ են հունգարացի Տոմաշ Լորինցն ու շվեդ Ալեքս Կեսիդիսը:
Տոկիո-2020-ի հունահռոմեական ըմբշամարտի մրցաշարում Հայաստանի մյուս 2 ներկայացուցիչներ Արմեն Մելիքյանը (60 կգ) և Կարեն Ասլանյանը (67 կգ) չեն ընդգրկվել լավագույն քառյակներում:
Հիշեցնենք, որ ազատ ոճի ըմբիշներից օլիմպիական ուղեգիր ունեն Արսեն Հարությունյանը (57 կգ) և Վազգեն Թևանյանը (65 կգ):
The 97kg top four seeds at the #Tokyo2020 Olympic Games.
— United World Wrestling (@wrestling) June 24, 2021
1. Musa EVLOEV
2. Artur ALEKSANYAN
3. Mohammadhadi SARAVI
4. Tadeusz MICHALIK pic.twitter.com/2BRSu5Br11
The 77kg top four seeds at the #Tokyo2020 Olympic Games.
— United World Wrestling (@wrestling) June 24, 2021
1. Tamas LORINCZ
2. Alex KESSIDIS
3. Karapet CHALYAN
4. Mohammadali GERAEI pic.twitter.com/a3KUf2dReR
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։