Մադրիդի «Ռեալի» նախագահ Ֆլորենտինո Պերեսը հայտարարել է, որ թիմի գլխավոր մարզիչի պաշտոնից հեռացած Զինեդին Զիդանը ցանկանում է ապագայում գլխավորել Ֆրանսիայի հավաքականը:
«Զիդանը երազում է դառնալ Ֆրանսիայի հավաքականի գլխավոր մարզիչը: Վստահ եմ՝ նա կհասնի դրան: Զիդանը նախկինի պես դուր է գալիս ինձ: Եթե նա մի օր որոշի վերադառնալ «Ռեալ», ապա թող իմանա, որ այստեղ նրա տունն է»,- Պերեսի խոսքը փոխանցում է AS-ը:
Հիշեցնենք, որ 48-ամյա Զիդանը երկրորդ անգամ «Ռեալի» գլխավոր մարզիչի պաշտոնը ստանձնել է 2019 թվականին։ Դրանից առաջ նա իսպանական թիմը գլխավորել էր 2016-2018-ին։ Նրա գլխավորությամբ «Ռեալը» դարձել է Չեմպիոնների լիգայի եռակի գավաթակիր ու Իսպանիայի կրկնակի չեմպիոն։
Իսպանիայի ավարտված առաջնությունում «Ռեալը» գրավեց երկրորդ տեղը՝ զիջելով Մադրիդի «Աթլետիկոյին»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։