Էնդի Մարեյը կմասնակցի Օլիմպիական խաղերին
17:14 24 հունիսի, 2021Աշխարհի նախկին առաջին ռակետ Էնդի Մարեյն ընդգրկվել է թենիսի Մեծ Բրիտանիայի հավաքականի կազմում Ճապոնիայի մայրաքաղաք Տոկիոյում կայանալիք 32-րդ ամառային Օլիմպիական խաղերում, հայտնում է BBC-ն:
«Օլիմպիական խաղերը շատ բան են նշանակում ինձ համար: Չորրորդ խաղերին մասնակցելը մեծ պատիվ է: Երկրորդ անգամ կփորձեմ պաշտպանել օլիմպիական չեմպիոնի կոչումը, անհամբերությամբ եմ սպասում դրան»,- ասել է «Մեծ սաղավարտի» մրցաշարերի եռակի հաղթողը:
Հիշեցնենք, որ Ռիո-2016 նախորդ Օլիմպիական խաղերի թենիսի մրցաշարի եզրափակիչում 34-ամյա Էնդի Մարեյը հաղթել էր արգենտինացի Խուան Մարտին դել Պոտրոյին:
Կորոնավիրուսի պանդեմիայի պատճառով Տոկիո-2020 Օլիմպիական խաղերը հետաձգվել էին մեկ տարով և կանցկացվեն 2021թ. հուլիսի 23-ից օգոստոսի 8-ը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։