Տոնի Կրոս․ Չեմ պատկերացնում «Ռեալն» առանց Սերխիո Ռամոսի
21:09 23 հունիսի, 2021Մադրիդի «Ռեալի» գերմանացի կիսապաշտպան Տոնի Կրոսը մեկնաբանել է իսպանացի պաշտպան, թիմի ավագ Սերխիո Ռամոսի հեռանալն Արքայական ակումբից։ Նրա պայմանագիրն ավարտվում է հունիսի 30-ին։
«Չեմ պատկերացնում «Ռեալն» առանց Սերխիո Ռամոսի։ Չեմ պատկերացնում, որ նա չի ավարտի կարիերան մեր ակումբում։ Ես սպասում էի, որ նա կմնա։
Սերխիոյի հետ անցկացրած 7 տարիներս անհավանական էին։ Նա ոչ միայն բարձրակարգ խաղացող էր, այլեւ լավագույն ավագն էր, որի հետ խաղացել եմ։ Նա միշտ պայքարում էր թիմի համար»,- Կրոսի խոսքը մեջբերում է Sport.es-ը։
35-ամյա Ռամոսը 2005 թվականին «Սևիլիայից» էր տեղափոխվել «Ռեալ», որի կազմում անցկացրել է 671 հանդիպում, խփել 101 գոլ, կատարել 40 գոլային փոխանցում, դարձել Իսպանիայի հնգակի չեմպիոն, կրկնակի գավաթակիր, քառակի սուպերգավաթակիր, Չեմպիոնների լիգայի քառակի գավաթակիր, Եվրոպայի եռակի սուպերգավաթակիր, աշխարհի քառակի ակումբային չեմպիոն։ Նրա պայմանագրի ժամկետը լրացել է:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։