Աշխարհի առաջին ռակետ Նովակ Ջոկովիչը կմասնակցի Ճապոնիայի մայրաքաղաք Տոկիոյում կայանալիք 32-րդ ամառային Օլիմպիական խաղերին, հայտնում է Սերբիայի թենիսի ֆեդերացիայի մամուլի ծառայությունը:
Ավելի վաղ սերբ թենիսիստը հայտարարել էր, որ չի մասնակցի Տոկիո-2020-ին, եթե երկրպագուներին արգելեն ներկա լինել մրցումներին:
Օլիմպիական խաղերին մասնակցելուց հրաժարվել են իսպանացի Ռաֆայել Նադալը, ավստրիացի Դոմինիկ Տիմը, նորվեգացի Կասպեր Ռուդը և կանադացի Դենիս Շապովալովը:
Նախորդ Օլիմպիական խաղերի թենիսի մրցաշարի հաղթողի կոչումը նվաճել էր բրիտանացի Էնդի Մարեյը:
Հիշեցնենք, որ կորոնավիրուսի պանդեմիայի պատճառով Տոկիո-2020 Օլիմպիական խաղերը հետաձգվել էին մեկ տարով և կանցկացվեն 2021թ. հուլիսի 23-ից օգոստոսի 8-ը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։