Լեգենդար բռնցքամարտիկ Մոհամեդ Ալիի թոռ Նիկո Ալի Ուոլշը նորամուտը պրոֆեսիոնալ ռինգում կնշի 2021թ. օգոստոսի 14–ին, հաղորդում է ESPN–ը։
Մենամարտը կկազմակերպի Բոբ Արումի Top Rank պրոմոուտերական ընկերությունը, որը եղել է նաեւ Մոհամեդ Ալիի առաջին մենամարտի կազմակերպիչը 1966թ. մարտի 29–ին Ջորջ Չուվալոյի դեմ։ Նիկո Ալի Ուոլշի առաջին մրցակիցը դեռ հայտնի չէ։
«Վստահ եմ, որ իմ պապը չէր ցանկանա, որ ես աշխատեի այլ պրոմոուտերի հետ։ Միշտ ցանկացել եմ դառնալ Բոբ Արումի Top Rank–ի մասը»,– ասել է Նիկո Ալի Ուոլշը։
Մոհամեդ Ալին մահացել է 2016թ. հունիսի 3–ին 74 տարեկանում։ Նա 61 մենամարտում տարել է 56 հաղթանակ, կրել 5 պարտություն։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։