ԱԱ-2022․ Քաթարը թույլ կտա միայն կորոնավիրուսից պատվաստված երկրպագուների մուտքը
00:41 21 հունիսի, 2021Քաթարի վարչապետ Խալիդ բին Խալիֆա բին Աբդուլազիզ Ալ Տանին հայտարարել է, որ 2022թ․ աշխարհի առաջնության հանդիսականներից պահանջելու են պատվաստվել կորոնավիրուսի դեմ։
«Երբ հասնի Քաթարում ֆուտբոլի աշխարհի առաջնության մեկնարկի պահը, շատ երկրների բնակիչների մեծամասնությունը կլինի պատվաստված կամ իմունիզացված։
Քաթարը թույլ չի տա չպատվաստված երկրպագուների մուտքը երկիր։ Մենք բանակցում ենք պատվաստանյութի 1 միլիոն չափաբաժին ձեռք բերելու ուղղությամբ։ Դրանք կհատկացվեն աշխարհի առաջնության համար Քաթար ժամանողներին»,- Ալ Տանիի խոսքը մեջբերում է Associated Press-ը։
Աշխարհի առաջնությունը Քաթարում կանցկացվի 2022թ․ նոյեմբերի 21-ից դեկտեմբերի 18-ը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։