Եվրո-2020․ Օրվա խաղերի անոնս
09:14 20 հունիսի, 2021Ֆուտբոլի Եվրոպայի առաջնության եզրափակիչ մրցաշարում հունիսի 20-ին կմեկնարկի խմբային փուլի երրորդ տուրը։ Տեղի կունենա A խմբի երկու հանդիպում։
1/8 եզրափակիչի ուղեգիրն ապահոված Իտալիայի հավաքականը Հռոմում կընդունի Ուելսի թիմին։ Թուրքերը Բաքվում կխաղան Շվեյցարիայի հավաքականի հետ։ Երկու հանդիպումն էլ կմեկնարկի Երեւանի ժամանակով 20։00-ին։
Իտալիայի հավաքականն առաջին տուրում 3։0 հաշվով հաղթել է թուրքերին, երկրորդ տուրում նույն հաշվով պարտության է մատնել շվեյցարացիներին, որոնք երկրորդ տուրում 1։1 հաշվով են ավարտել խաղը Ուելսի հետ։ Երկրորդ տուրում Ուելսը 2։0 հաշվով հաղթել է թուրքերին։
Հիշեցնենք, որ Եվրո-2020-ի 6 խմբերից փլեյ-օֆֆի (1/8 եզրափակիչ) ուղեգիր կնվաճեն առաջին ու երկրորդ տեղ գրաված հավաքականները, նաև լավագույն արդյունքով երրորդ տեղ զբաղեցրած 4 թիմեր:
Կորոնավիրուսի համավարակով պայմանավորված սահմանափակումների պատճառով Եվրո-2020-ի խաղերին ներկա են սահմանափակ թվով երկրպագուներ:
Եվրոպայի առաջնության եզրափակիչ մրցաշարն առաջին անգամ անցկացվում է 11 երկրների 11 քաղաքներում:
Եվրո-2020, խմբային փուլ, երրորդ տուր
A խումբ
Իտալիա - Ուելս՝ 20։00 (Երեւանի ժամանակ), (Հռոմ)
Շվեյցարիա - Թուրքիա՝ 20։00 (Բաքու)
Մրցաշարային դրություն․ Իտալիա՝ 6, Ուելս՝ 4, Շվեյցարիա՝ 1, Թուրքիա՝ 0։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.