Եվրո–2020. Պորտուգալիա – Գերմանիա՝ 2։4 (ֆոտո, վիդեո)

Եվրո–2020–ի խմբային փուլի երկրորդ տուրում Եվրոպայի չեմպիոն Պորտուգալիայի հավաքականը Մյունխենում մրցեց գերմանացիների հետ եւ պարտություն կրեց 2։4 հաշվով։

Հանդիպման հաշիվը 35–րդ րոպեին բացեց պորտուգալացիների ավագ Կրիշտիանու Ռոնալդուն։ 36–ամյա հարձակվողը երրորդ գոլը խփեց այս մրցաշարում եւ չեխ հարձակվող Պատրիկ Շիկի հետ լավագույն ռմբարկուն է։ Ռոնալդուն 12 գոլով նաեւ Եվրոպայի առաջնությունների եզրափակիչ մրցաշարերի լավագույն ռմբարկուն է։ 

All-time EURO top scorer (12 goals)
All-time top scorer for Portugal (107 goals)

@Cristiano #EURO2020 https://t.co/ujSrG2I9zd pic.twitter.com/dEF3CIWKSL

— UEFA EURO 2020 (@EURO2020) June 19, 2021

Հաշվի հավասարությունը վերականգնվեց 35–րդ րոպեին։ Սեփական դարպասը գրավեց պորտուգալացիների պաշտպան Ռուբեն Դիաշը։ 4 րոպե անց ինքնագոլի հեղինակ դարձավ Պորտուգալիայի հավաքականի պաշտպան Ռաֆայել Գերեյրուն։ Երկրորդ խաղակեսում Գերմանիայի հավաքականի առավելությունը մեծացրին կիսապաշտպան Կայ Հավերցի եւ պաշտպան Ռոբին Գոսենսի գոլերը։

Germany turn it around in Munich! #EURO2020 pic.twitter.com/sDjh0NC2yR

— UEFA EURO 2020 (@EURO2020) June 19, 2021

Havertz extends Germany's lead from close range #EURO2020 https://t.co/eIa7YIZwBy pic.twitter.com/ND1Jb37eK0

— UEFA EURO 2020 (@EURO2020) June 19, 2021

Պորտուգալիան հարձակվող Դիոգու Ժոտայի գոլի շնորհիվ կրճատեց տարբերությունը, սակայն ավելին անել չկարողացավ։

Գերմանիայի հավաքականը 3 միավորով երկրորդն է եւ 1 միավոր է հետ F խմբի առաջատար, աշխարհի չեմպիոն Ֆրանսիայից, որը երկրորդ տուրում 1։1 հաշվով խաղաց հունգարացիների հետ։ Պորտուգալիան 3 միավորով երրորդն է, Հունգարիան եզրափակում է մրցաշարային աղյուսակը՝ 1 միավոր։

Հունիսի 23–ին անցկացվելիք F խմբի երրորդ տուրում Հունգարիան կմրցի Գերմանիայի, Ֆրանսիան՝ Պորտուգալիայի հետ։

Եվրո–2020, խմբային փուլ, երկրորդ տուր

F խումբ

Պորտուգալիա - Գերմանիա՝ 2։4 (տեսանյութ), (Մյունխեն)

Կրիշտիանու Ռոնալդու, 35, Դիոգու Ժոտա, 67 – Ռուբեն Դիաշ, 35, ինքնագոլ, Ռաֆայել Գերեյրու, 39, ինքնագոլ, Կայ Հավերց, 51, Ռոբին Գոսենս, 60

Portugal or Germany? #EURO2020 pic.twitter.com/xZ1ZgAIPTm

— UEFA EURO 2020 (@EURO2020) June 19, 2021

Հունգարիա - Ֆրանսիա՝ 1։1 (Բուդապեշտ)

Ատիլա Ֆիոլա, 45+2 – Անտուան Գրիզման, 66