Եվրո–2020–ի խմբային փուլի երկրորդ տուրում աշխարհի չեմպիոն Ֆրանսիայի հավաքականը Բուդապեշտում մրցեց հունգարացիների հետ եւ բավարարվեց ոչ ոքի արդյունքով՝ 1։1։
24-րդ րոպեին ջերմային հարվածի հետեւանքով փոխարինվեց Հունգարիայի հավաքականի ավագ Ադամ Սոլոին։ Բուդապեշտում օդի ջերմաստիճանը +30 է։ Անգլիացի մրցավար Մայքլ Օլիվերը մի քանի րոպե դադար հայտարարեց՝ հնարավորություն տալով ֆուտբոլիստներին ջուր խմել։
Առաջին խաղակեսի ավելացված ժամանակում հունգարացիների կիսապաշտպան Ատիլա Ֆիոլան մտավ տուգանային հրապարակ եւ գրավեց Ուգո Լյորիսի պաշտպանած դարպասը։
When you score against the world champions...
— UEFA EURO 2020 (@EURO2020) June 19, 2021
Scenes in Budapest! #EURO2020 pic.twitter.com/0OQwGFqsvu
66–րդ րոպեին հավասարությունը վերականգնեց ֆրանսիացիների հարձակվող Անտուան Գրիզմանը։
Ֆրանսիան 4 միավորով F խմբի առաջատարն է։ Հունգարիան 1 միավորով երրորդ տեղում է։
Առաջին տուրում Հունգարիան 0։3 հաշվով պարտվել էր պորտուգալացիներին, Ֆրանսիան 1։0 հաշվով հաղթել էր Գերմանիային։
Հունիսի 23–ին անցկացվելիք F խմբի երրորդ տուրում Հունգարիան կմրցի Գերմանիայի, Ֆրանսիան՝ Պորտուգալիայի հետ։
Եվրո–2020, խմբային փուլ, երկրորդ տուր
F խումբ
Հունգարիա - Ֆրանսիա՝ 1։1 (տեսանյութ), (Բուդապեշտ)
Ատիլա Ֆիոլա, 45+2 – Անտուան Գրիզման, 66
Antoine Griezmann has now scored 38 goals for France in 93 games #EURO2020 pic.twitter.com/jJo9qx6hFa
— UEFA EURO 2020 (@EURO2020) June 19, 2021
Պորտուգալիա - Գերմանիա՝ 20։00 (Մյունխեն)
E խումբ
Իսպանիա - Լեհաստան՝ 23։00 (Սեւիլիա)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։