Paris Rapid & Blitz․ Լեւոն Արոնյանի հաջող մեկնարկը
12:18 19 հունիսի, 2021Փարիզում մեկնարկել է Grand Chess Tour-ի երկրորդ փուլը՝ արագ եւ կայծակնային խաղի Paris Rapid & Blitz մրցաշարը։
Լեւոն Արոնյանը արագ խաղի առաջին երեք տուրերից հետո 4 միավորով չորս առաջատարների թվում է։ Հայ գրոսմայստերը ոչ ոքի է խաղացել ադրբեջանցի Թեյմուր Ռաջաբովի եւ ամերիկացի Ֆաբիանո Կարուանայի հետ, հաղթել է ֆրանսիացի Էթիեն Բաքրոյին։ 4-ական միավոր ունեն նաեւ ռուսաստանցի Յան Նեպոմնյաշչին ու Պյոտր Սվիդլերը, ամերիկացի Ուեսլի Սոն։
Արագ խաղում հաղթանակի համար տրվում է 2, ոչ ոքիի համար՝ 1 միավոր։
Հունիսի 19-ին Լեւոն Արոնյանի մրցակիցները կլինեն հունգարացի Ռիչարդ Ռապորտը, Յան Նեպոմնյաշչին եւ Ուեսլի Սոն։ Արագ խաղի եւս երեք տուր տեղի կունենա հունիսի 20-ին։ Այնուհետեւ երկու օրում կանցկացվի կայծակնային խաղի 18 տուր։
Grand Chess Tour-ի 5 մրցաշարերի ընդհանուր մրցանակային հիմնադրամը 1,275 միլիոն դոլար է։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։