Սերխիո Բուսկետսն ապաքինվել է կորոնավիրուսից եւ կմիանա Իսպանիայի թիմին

16:23   18 հունիսի, 2021

Իսպանիայի հավաքականի ավագ եւ «Բարսելոնայի» կիսապաշտպան Սերխիո Բուսկետսն ապաքինվել է կորոնավիրուսից։ Նա վարակվել էր հունիսի 6-ին։ Առաջիկայում 32-ամյա ֆուտբոլիստը կմիանա Լուիս Էնրիկեի գլխավորած թիմին, հաղորդում է Իսպանիայի թագավորական ֆուտբոլային ֆեդերացիայի մամուլի ծառայությունը։

Եվրո-2020-ի առաջին տուրի հանդիպում Շվեդիայի հետ Բուսկետսը բաց էր թողել։ Գրանցվել էր ոչ ոքի՝ 0։0։

Հունիսի 18-ին Բուսկետսը Իսպանիայի հավաքականի հետ կմեկնի Լեհաստանի դեմ խաղին, որը տեղի կունենա հունիսի 19-ին Սեւիլիայում եւ կմեկնարկի Երեւանի ժամանակով 23։00-ին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։