Սաութգեյթ․ Հասկանում ենք՝ մեր երկրպագուների համար ինչ նշանակություն կունենա հաղթանակը Շոտլանդիայի նկատմամբ

15:28   18 հունիսի, 2021

Ֆուտբոլի Անգլիայի հավաքականի գլխավոր մարզիչ Գարեթ Սաութգեյթը խասել է իր սպասելիքների մասին Եվրո-2020-ի խմբային փուլի երկրորդ տուրի հանդիպումից։ Անգլիացիները հունիսի 18-ին կմրցեն Շոտլանդիայի թիմի հետ։

«Մենք հասկանում, թե մեր երկրպագուների համար ինչ նշանակություն կունենա հաղթանակը Շոտլանդիայի նկատմամբ։ Հասկանում ենք, որ հաղթանակը ավելի կմեծացնի սպասումները մեր թիմից հաջորդ հանդիպումներում։

Մենք ունենք այնպիսի կազմ, որը եթե նույնիսկ հայտնվում է պարտվողի դերում, գտնում է հնարավորություն, որպեսզի արդյունքում հաղթի կամ գոնե հասնի ոչ ոքիի։ Արդեն երեք-չորս տարի մենք այդ վիճակում չենք եղել։ Մենք պատրաստ ենք բոլոր հնարավոր սցենարներին»,- Սաութգեյթի խոսքը մեջբերում է ՈւԵՖԱ-ի մամուլի ծառայությունը։

Անգլիա - Շոտլանդիա հանդիպումը Լոնդոնի «Ուեմբլի» ստադիոնում կմեկնարկի Երեւանի ժամանակով 23։00-ին։

Առաջին տուրում անգլիացիները 1։0 հաշվով հաղթել են աշխարհի փոխչեմպիոն խորվաթներին, Շոտլանդիան 0։2 հաշվով պարտվել է չեխերին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։