ՈւԵՖԱ-ն քննարկում է Եվրո-2020-ի եզրափակիչը Լոնդոնից Բուդապեշտ տեղափոխելու հարցը
14:09 18 հունիսի, 2021ՈւԵՖԱ-ն այժմ քննարկում է Եվրո-2020-ի եզրափակիչ հանդիպումը Լոնդոնի «Ուեմբլի» ստադիոնից Բուդապեշտի «Ֆերենց Պուշկաշ» ստադիոն տեղափոխվելու տարբերակը, հաղորդում է The Times-ը։
Կորոնավիրուսի համավարակի պատճառով Մեծ Բրիտանիայի կառավարությունը չի կարող ապահովել տրիբունաների 100 տոկոս զբաղեցում։ Հունգարիայի մայրաքաղաքը երաշխավորում է երկրպագուներին թույլ տալ զբաղեցնել տրիբունաների 100 տոկոսը։
ՈւԵՖԱ-ն Մեծ Բրիտանիայի վարչապետ Բորիս Ջոնսոնին հայտնել է եզրափակիչը տեղափոխելու հավանականության մասին եւ սպասում է պատասխանի։
Հունգարիայում կորոնավիրուսի դեմ պատվաստման բարձր տեմպերի շնորհիվ Բուդապեշտում տեղի ունեցած Եվրո-2020-ի Հունգարիա - Պորտուգալիա հանդիպմանը ներկա էր 61 հազար երկրպագու։ Այժմ Հունգարիայի 9,8 միլիոն բնակիչներից մոտ 5,3 միլիոնը պատվաստված է։
Եվրո-2020-ի եզրափակիչը տեղի կունենա հուլիսի 11-ին։ Լոնդոնում են նախատեսված նաեւ կիսաեզրափակիչի հանդիպումները։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.