Եվրո-2020․ Բելգիայի կամային հաղթանակը (ֆոտո, վիդեո)

21:54   17 հունիսի, 2021

Աշխարհի առաջնության բրոնզե մեդալակիր բելգիացիները երկրորդ հաղթանակը տարան Եվրո-2020-ի խմբային փուլում։ Իսպանացի Ռոբերտո Մարտինեսի գլխավորած թիմը Կոպենհագենում մրցեց դանիացիների հետ եւ առավելության հասավ 2։1 հաշվով եւ դուրս եկավ 1/8 եզրափակիչ։

Դանիացիները հաշիվը բացեցին արդեն 99-րդ վայրկյանին։ Հարձակվող Յուսուֆ Պոուլսենի գոլն երկրորդ ամենաարագն է Եվրոպայի առաջնություների պատմության մեջ։

10-րդ եւ 11-րդ րոպեներին հանդիպումն ընդմիջվեց եւ հնչեցին ծափահարություններ ու ոգեւորով գրություններով պաստառներ ծածանվեցին Դանիայի հավաքականի եւ «Ինտերի» կիսապաշտպան Կրիստիան Էրիկսեին պատվին։ Առաջին տուրի խաղում 29-ամյա ֆուտբոլիստը մի քանի վայրկյան սրտի կանգ էր ունեցել եւ հիմա բուժում է ստանում հիվանդանոցում։ Էրիկսենը հանդես է գալիս 10 համարի խաղաշապիկով։

Բելգիայի հավաքականը երկու գոլերը խփեց երկրորդ խաղակեսում։ 54-րդ րոպեին հավասարությունը վերականգնեց կիսապաշտպան Տորգան Ազարը, որն օգտագործեց կիսապաշտպան Կեւին Դե Բրույնեի փոխանցումը։ 70-րդ րոպեին «Մանչեսթեր Սիթիի» առաջատարը կրկնապատկեց բելգիացիների առավելությունը։ Գոլային փոխանցումը Դե Բրույնեին կատարեց Էդեն Ազարը։

Բելգիան 6 միավորով եւ գոլերի 5։1 հարաբերակցությամբ B խմբի առաջատարն է եւ ապահովել է տեղը 1/8 եզրափակիչում։ Դանիան առանց միավորի եզրափակում է B խմբի մրցաշարային աղյուսակը։ Երկրորդ եւ երրորդ տեղերում են Ռուսաստանն ու Ֆինլանդիան՝ 3-ական միավոր։

B խմբի առաջին տուրում Բելգիան 3։0 հաշվով հաղթել էր ռուսներին, դանիացիները պարտվել էին Ֆինլանդիայի հավաքականին՝ 0։1։

Հունիսի 21-ին անցկացվելիք երրորդ տուրում Բելգիան կխաղա Ֆինլանդիայի, Դանիան՝ Ռուսաստանի հետ։

Հիշեցնենք, որ Եվրո-2020-ի 6 խմբերից փլեյ-օֆֆի (1/8 եզրափակիչ) ուղեգիր կնվաճեն առաջին ու երկրորդ տեղ գրաված հավաքականները, նաև լավագույն արդյունքով երրորդ տեղ զբաղեցրած 4 թիմեր:

Եվրո-2020, խմբային փուլ, երկրորդ տուր

B խումբ

Դանիա - Բելգիա՝  1։2 (տեսանյութ),  (Կոպենհագեն)

Յուսուֆ Պոուլսեն, 2 – Տորգան Ազար, 54, Կեւին Դե Բրույնե, 70



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.