Եվրո-2020․ Դե Բրույնեն եւ Վիտսելը պատրաստ կլինեն Դանիայի դեմ խաղին
18:03 17 հունիսի, 2021Եվրո-2020-ի խմբային փուլի երկրորդ տուրի հանդիպումից առաջ աշխարհի առաջնության բրոնզե մեդալակիր Բելգիայի հավաքականի իսպանացի գլխավոր մարզիչ Ռոբերտո Մարտինեսը խոսել է թիմի կիսապաշտպաններ Կեւին Դե Բրույնեի եւ Ակսել Վիտսելի առողջական վիճակի մասին։ Նրանք վնասվածքներ ունեին։
«Դե Բրույնեն առողջ է եւ պատրաստ է խաղալ։ Խնդիրը խաղաժամանակն է։ Ես գոհ եմ վերականգնման տեմպից։ Նույնը կարող եմ ասել Վիտսելի մասին։ Մենք ցանկանում ենք հաջորդ երկու հանդիպումներին մոտենալ օպտիմալ կազմով»,- Մարտինեսի խոսքը մեջբերում է ՈւԵՖԱ-ի մամուլի ծառայությունը։
Երկու ֆուտբոլիստներն էլ բաց էին թողել Եվրո-2020-ի առաջին տուրի հանդիպումը Ռուսաստանի հետ։ Բելգիացիները հաղթել էին 3։0 հաշվով։ Երկրորդ տուրի հանդիպումը դանիացիների հետ Բելգիան կանցկացնի հունիսի 17-ին։ Խաղը կմեկնարկի Երեւանի ժամանակով 20։00-ին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։