Եվրո-2020․ Իտալիան տարավ երկրորդ հաղթանակը եւ դուրս եկավ փլեյ-օֆֆ (ֆոտո, վիդեո)

00:51   17 հունիսի, 2021

Իտալիայի հավաքականը նվաճեց Եվրո-2020-ի 1/8 եզրափակիչի ուղեգիր։ A խմբի երկրորդ տուրի խաղում Ռոբերտո Մանչինիի գլխավորած թիմը Հռոմում մրցեց շվեյցարացիների հետ եւ առավելության հասավ 3։0 հաշվով։

Դուբլի հեղինակ դարձավ իտալական «Սասուոլոյի» կիսապաշտպան Մանուել Լոկատելին, որն աչքի ընկավ 26-րդ եւ 52-րդ րոպեներին։ 89-րդ րոպեին իտալացիների երրորդ գոլը խփեց «Լացիոյի» հարձակվող Չիրո Իմոբիլեն։

Իտալիան երկրորդ հաղթանակը տարավ եւ 6 միավորով խմբի առաջատարն է։ Առաջին տուրում եւս Իտալիան 3։0 հաշվով էր հաղթել Թուրքիային։

Շվեյցարիան 1 միավորով երրորդն է, երկրորդ տեղում է Ուելսը՝ 4 միավոր։ Խմբի հետնապահը Թուրքիան է, որը երկու պարտություն է կրել։

Խմբային փուլի վերջին տուրում Իտալիան հունիսի 20-ին կմրցի Ուելսի թիմի հետ։

Եվրո-2020, խմբային փուլ, երկրորդ տուր

Իտալիա - Շվեյցարիա՝ 3։0 (տեսանյութ)

Մանուել Լոկատելի, 26, 52, Չիրո Իմոբիլե, 89



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.