Եվրո–2020. Մարկո Արնաուտովիչը որակազրկվեց ռասիստական արտահայտության համար
16:49 16 հունիսի, 2021ՈւԵՖԱ–ն Եվրո–2020–ի մեկ խաղով որակազրկել է Ավստրիայի հավաքականի հարձակվող Մարկո Արնաուտովիչին ռասիստական արտահայտությունների համար, հաղորդում է ՈւԵՖԱ–ի մամուլի ծառայությունը։
Հունիսի 13–ին տեղի ունեցած խմբային փուլի առաջին տուրում Ավստրիայի հավաքականը 3։1 հաշվով հաղթել էր Հյուսիսային Մակեդոնիայի թիմին։ Սերբական արմատներ ունեցող Արնաուտովիչը գոլի հեղինակ դառնալուց հետո վազել էր տրիբունայի մոտ եւ հայհոյել ալբանացիներին։ Հյուսիսային Մակեդոնիայի հավաքականի կազմում հանդես են գալիս ազգությամբ ալբանացիներ Էգզոն Բեյտուլայը եւ Էսգան Ալիոսկին։
Հունիսի 15–ին Արնաուտովիչը Ինստագրամում ներողություն էր խնդրել՝ նշելով, որ ոչ մի կապ չունի քաղաքականության հետ։
Երկրորդ տուրում Ավստրիայի հավաքականը հունիսի 17–ին Ամստերդամում կմրցի Նիդերլանդների թիմի հետ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.