Ֆուտբոլի Ղազախստանի փոխչեմպիոն «Տոբոլի» գլխավոր մարզիչ Գրիգորի Բաբայանը կարող է գլխավորել Ռուսաստանի Պրեմիեր լիգայում հանդես եկող Մոսկվայի ԲԿՄԱ-ն, հաղորդում է «РБ Спорт»-ը։
Մոսկովյան ակումբը ցանկանում էր, որ հայ մասնագետն ընդգրկվի թիմի գլխավոր մարզիչի պաշտոնից հեռացված Իվիցա Օլիչի մարզչական շտաբում, սակայն խորվաթ մասնագետը դեմ էր դրան։
41-ամյա Գրիգորի Բաբայանը ԲԿՄԱ-ում անցել է ստաժավորում, երբ ռուսական ակումբը գլխավորում էր բելառուս մասնագետ Վիկտոր Գոնչարենկոն։
Vesti.kz-ի համաձայն՝ Բաբայանն արդեն հեռացել է «Տոբոլից»։ Նա 2019 թվականից էր գլխավորում «Տոբոլը», որը Ղազախստանի նախորդ առաջնությունում գրավել էր երկրորդ տեղը: Ավելի վաղ լուրեր էին շրջանառվում, որ հայ մարզիչը կարող է աշխատանքի անցնել Ռուսաստանի Պրեմիեր լիգայի ուղեգիր նվաճած «Նիժնի Նովգորոդում»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։