Ռոնալդուն՝ ԵԱ-ների բոլոր ժամանակների լավագույն ռմբարկու

Եվրո-2020-ի խմբային փուլի առաջին տուրի խաղում Հունգարիային երկու գոլ խփած պորտուգալացի հարձակվող Կրիշտիանու Ռոնալդուն 11 գոլով դարձավ Եվրոպայի առաջնությունների եզրափակիչ մրցաշարերի լավագույն ռմբարկուն։

Նա առաջ անցավ ֆրանսիացի Միշել Պլատինիից՝ 9 գոլ։ Հիշեցնենք, որ պորտուգալացիները 3։0 հաշվով հաղթել են Հունգարիայի թիմին։

36-ամյա Ռոնալդուն միակ ֆուտբոլիստն է պատմության մեջ, որը 5-րդ անգամ հանդես է գալիս Եվրոպայի առաջնության եզրափակիչ մրցաշարում եւ 5-րդ անգամ անընդմեջ այդ մրցաշարերում դառնում գոլի հեղինակ։ Նա 106 գոլով Պորտուգալիայի հավաքականի լավագույն ռմբարկուն է։