Եվրո-2020. Պայքարը սկսում է «Մահվան» խումբը
10:12 15 հունիսի, 2021Կորոնավիրուսի համավարակի պատճառով մեկ տարով հետաձգված ֆուտբոլի Եվրոպայի 16-րդ առաջնությունում հունիսի 15-ին կավարտվի խմբային փուլի առաջին տուրը: Կանցկացվեն «Մահվան»՝ F խմբի 2 հանդիպումներ:
Խաղային օրը կմեկնարկի Հունգարիայի մայրաքաղաք Բուդապեշտում, որտեղ Եվրոպայի գործող չեմպիոն Պորտուգալիայի հավաքականը կմրցի հունգարացիների հետ:
Այդ հանդիպումից հետո աշխարհի գործող չեմպիոն Ֆրանսիայի հավաքականը Մյունխենում ուժերը կչափի Գերմանիայի հավաքականի հետ:
Հիշեցնենք, որ Եվրո-2020-ի 6 խմբերից փլեյ-օֆֆի (1/8 եզրափակիչ) ուղեգիր կնվաճեն առաջին ու երկրորդ տեղ գրաված հավաքականները, ինչպես նաև երրորդ տեղում հայտնված լավագույն արդյունքով 4 թիմեր:
Կորոնավիրուսի համավարակով պայմանավորված սահմանափակումների պատճառով Եվրո-2020-ի խաղերին ներկա են սահմանափակ թվով երկրպագուներ:
Եվրոպայի առաջնության եզրափակիչ մրցաշարն առաջին անգամ անցկացվում է 11 երկրների 11 քաղաքներում: Հին աշխարհամասի ուժեղագույն հավաքականի կոչման համար պայքարում են 24 թիմեր:
Եվրո-2020, խմբային փուլ, առաջին տուր
F խումբ
Հունգարիա – Պորտուգալիա՝ 20:00 (Բուդապեշտ)
Ֆրանսիա – Գերմանիա՝ 23:00 (Մյունխեն)
Կարդացեք նաև՝
Եվրո-2020. «Մահվան» խումբը՝ աշխարհի ու Եվրոպայի գործող չեմպիոններով
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.