Ռոնալդու. Կմնամ «Յուվենտուսում», թե կհեռանամ՝ հիմա ամենագլխավորը չէ
23:17 14 հունիսի, 2021Թուրինի «Յուվենտուսի» եւ Պորտուգալիայի հավաքականի հարձակվող Կրիշտիանու Ռոնալդուն չի ցանկացել մեկնաբանել իտալական ակումբից իր հեռանալու մասին լուրերը։
«Ես ամենաբարձր մակարդակում հանդես եմ գալիս արդեն 18 տարի։ Բոլոր այդ խոսակցություններն ինձ չեն անհանգստացնում։ Ինչ էլ տեղի ունենա, միայն դեպի լավը կլինի։
Կմնամ, թե կհեռանամ՝ հիմա ամենագլխավորը չէ։ Ես կենտրոնացած եմ հավաքականի խաղի վրա»,– Ռոնալդուի խոսքը մեջբերում է իսպանական Marca–ն։
36–ամյա ֆուտբոլիստի պայմանագիրը «Յուվենտուսի» հետ նախատեսված է մինչեւ 2022թ. հունիս։
Պորտուգալիայի հավաքականը Եվրո–2020–ի խմբային փուլի առաջին տուրի հանդիպումը Հունգարիայի թիմի հետ կանցկացնի հունիսի 15–ին։
Իսպանական AS-ը հաղորդել էր, որ փարիզյան ՊՍԺ–ն բանակցություններ է սկսել Ռոնալդուի գործակալ Ժորժե Մենդեշի հետ: «Յուվենտուսը» դեմ չէ բաժանվել ֆուտբոլիստից, որի տրանսֆերից ակնկալում է 25-30 միլիոն եվրո:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։