Երևանում կանցկացվի 44-օրյա պատերազմում զոհված Ռաֆայել Թորգոմյանի միջազգային հուշամրցաշարը
22:45 14 հունիսի, 2021Օգոստոսի 21-ից 26-ը Երևանում կանցկացվի Արցախյան 44–օրյա պատերազմում զոհված Ռաֆայել Թորգոմյանի միջազգային առաջին հուշամրցաշարը՝ RAFO CUP - 2021:
Մրցաշարն անցկացվելու է Ավանի ֆուտբոլային ակադեմիայում, խաղերը սպասարկելու են ՀՖՖ-ի մրցավարները։ Մրցաշարին կարող են մասնակցել 2010–2011թթ. ծնված ֆուտբոլիստները: Թիմերը կարող են հայտավորել մինչև 15 ֆուտբոլիստի, իսկ խաղերն անցկացվելու են 8+1 ձևաչափով:
Մրցաշարին մասնակցելու են հայկական եւ ԱՊՀ երկրները ներկայացնող թիմերը: Կազմակերպիչները բանակցում են Թբիլիսիի «Դինամոյի», Սանկտ Պետերբուրգի «Զենիթի», Մոսկվայի ԲԿՄԱ-ի, Տալինի «Արարատի», այլ օտարերկրյա թիմերի հետ:
Մրցաշարը կանցկացվի «...որ փոքրիկները խաղաղ ապրեն» կարգախոսի ներքո:
Ռաֆայել Թորգոմյանը ծնվել է Երևանում: 44-օրյա պատերազմի առաջին իսկ օրերին կամավորագրվել է, մեկնել Արցախ հոկտեմբերի 17-ին: Մինչև վերջ հերոսաբար պահել է դիրքը, չի նահանջել: Հոկտեմբերի 21-ին հրետանային ռմբակոծության զոհ է դարձել։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։