Ջերմուկում ավարտված Ստեփան Ավագյանի հուշամրցաշարի հաղթողի կոչումը նվաճել է գրոսմայստեր Մանուէլ Պետրոսյանը։
Մրցաշարի մասնակցում էին գրոսմյաստերներ Հովհաննես Գաբուզյանը, Սամուել Սևյանը, Հայկ Մարտիրոսյանը, Սամվել Տեր-Սահակյանը, Դավիթ Պառավյանը, Մանուէլ Պետրոսյանը, Շանթ Սարգսյանը, Արամ Հակոբյանը, Տիգրան Հարությունյանը և միջազգային վարպետ Մամիկոն Ղարիբյանը:
9 հնարավորից վաստակելով 5,5 միավոր՝ առաջին տեղը գրավել է Մանուէլ Պետրոսյանը, որը Ստեփան Ավագյանի հուշամրցաշարի հաղթող է դառնում երկրորդ տարին անընդմեջ։ Նույնքան միավոր վաստակած Շանթ Սարգսյանը գրավել է երկրորդ տեղը։ Արամ Հակոբյանը, Սամվել Տեր-Սահակյանը և Տիգրան Հարությունյանը 5-ական միավորով բաժանել են 3-5-րդ տեղերը։ Լրացուցիչ ավելի բարձր ցուցանիշների շնորհիվ բրոնզե մեդալակիր է դարձել Արամ Հակոբյանը։
Մրցաշարն անցկացվում էր շրջանային մրցակարգով՝ 10 մասնակիցներով, 9 խաղափուլով ՖԻԴԵ-ի կանոնների համաձայն: Մրցաշարը ՖԻԴԵ-ի 15-րդ կարգի էր՝ 2602 միջին վարկանիշով:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։