Եվրո-2020. NEWS.am Sport-ի թղթակցի հավատարմագրումը կասեցվել է Բաքվի միջամտությամբ
14:35 14 հունիսի, 2021NEWS.am Sport-ի թղթակից Դավիթ Եղիազարյանի և Հայաստանի այլ լրագրողների հավատարմագրումը 11 երկրների 11 քաղաքներում ընթացող ֆուտբոլի Եվրոպայի 16-րդ առաջնությունում մերժվել է։
Մայիսի 20-ին ՈւԵՖԱ-ն պաշտոնական գրությամբ հաստատել էր, որ Դավիթ Եղիազարյանը հավատարմագրվել է Եվրո-2020-ի խաղերը լուսաբանելու համար։ Սակայն Եվրոպայի առաջնության մեկնարկից 2 օր անց ՈւԵՖԱ-ից հայտնել են, որ հավատարմագրումը չի հաստատվել կազմակերպիչ երկրներից մեկի ոստիկանության որոշմամբ։ Ենթադրաբար դա եղել է Բաքվի կազմկոմիտեի միջամտությամբ։
NEWS.am Sport-ի թղթակիցը ՈւԵՖԱ-ին դիմել էր միայն Ռուսաստանի Սանկտ Պետերբուրգ քաղաքում նախատեսված խմբային փուլի 6 հանդիպումները լուսաբանելու համար։
Ավելի վաղ Եվրո-2020-ի հավատարմագիր չէր տրամադրվել նաև ռուսական «Матч ТВ» հեռուստաալիքի ֆուտբոլային մեկնաբաններ Նոբել Առուստամյանին ու Կոնստանին Գենիչին, սակայն տարբեր կազմակերպությունների միջամտությամբ խնդիրն օրեր անց լուծվել էր։ «Матч ТВ»-ի մեկ այլ մեկնաբան Միխայիլ Մոսակովսկուն էլ հունիսի 11-ին Բաքվի օդանավակայանում թույլ չէին տվել հատել Ադրբեջանի սահմանը և նույն ինքնաթիռով հետ էին ուղարկել Մոսկվա։ Նա պետք է լուսաբաներ հունիսի 12-ին Բաքվում նախատեսված Ուելս - Շվեյցարիա Եվրո-2020-ի առաջին տուրի հանդիպումը։ Մեկնաբանը մի քանի տարի առաջ այցելել է Արցախի Հանրապետություն, իսկ անցած տարի եղել Հայաստանում։
Օրեր առաջ Ադրբեջանի ֆուտբոլային ֆեդերացիաների ասոցիացիայի փոխնախագահ Էլհան Մամեդովը հայտարարել էր, որ Նոբել Առուստամյանը բազմիցս խախտել է Ադրբեջանի օրենքները։ Հայտնի է, որ Առուստամյանը մի քանի անգամ այցելել է Արցախի Հանրապետություն։
«Եվրո-2020-ն անցկացվում է, որպես միասնական համակարգ։ Դա վերաբերում է նաև հավատարմագրումների գրանցման համակարգին։ Տվյալ դեպքում, լրագրողը կարող է դիմել անմիջապես ՈւԵՖԱ-ին»,- ասել էր Մամեդովը։
Հայաստանի ֆուտբոլի ֆեդերացիան ևս այս պահին զբաղվում է NEWS.am Sport-ի թղթակցի և Հայաստանի մյուս լրագրողների հավատարմագրումների հետ կապված խնդիրները կարգավորելու համար։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.