Ֆուտբոլի Ղազախստանի փոխչեմպիոն «Տոբոլի» գլխավոր մարզիչ Գրիգորի Բաբայանը կարող է աշխատանքի անցնել Ռուսաստանի Պրեմիեր լիգայի ակումբում, հաղորդում է Vesti.kz-ն:
Հունիսի 15-ին նախատեսված բանակցությունների հաջող ընթացքի դեպքում հայ մասնագետը կդառնա բուլղարացի մասնագետ Ստանիմիր Ստոյլովի օգնականը «Նիժնի Նովգորոդում», որը նվաճել է Պրեմիեր լիգայի ուղեգիր: Ստոյլովը մոտ է ռուսական ակումբը գլխավորելուն:
2014-2018-ը Բաբայանը եղել է Ստոյլովի օգնականը Ղազախստանի հավաքականում ու «Աստանայում»:
«Гол емес» տելեգրամյան ալիքի համաձայն՝ Գրիգորի Բաբայանը «Տոբոլի» ֆուտբոլիստներին արդեն հայտնել է հեռանալու մասին:
41-ամյա Գրիգորի Բաբայանը 2019 թվականից է գլխավորում «Տոբոլը», որը Ղազախստանի նախորդ առաջնությունում գրավել էր երկրորդ տեղը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։