Եվրո-2020․ Նիդերլանդների հավաքականը մեկնարկեց հաղթանակով (ֆոտո, վիդեո)

00:51   14 հունիսի, 2021

Նիդերլանդների հավաքականը հաղթանակով մեկնարկեց Եվրոպայի առաջնության եզրափակիչ մրցաշարում (Եվրո-2020)։ Խմբային փուլի առաջին տուրում հոլանդացիները Ամստերդամում ընդունեց Ուկրաինայի հավաքականին եւ առավելության հասան 3։2 հաշվով։

52-րդ րոպեին հանդիպման հաշիվը բացեց կիսապաշտպան Ժորժինյոն Վեյնալդումը, 6 րոպե անց Ֆրանկ դե Բուրի գլխավորած թիմի առավելությունը կրկնապատկեց հարձակվող Վաուտեր Վեգորստը։

75-րդ րոպեին հաշվի տարբերությունը կրճատեց հարձակվող Անդրեյ Յարմոլենկոն։ 4 րոպե անց ուկրաինացիների երկրորդ գոլը խփեց հարձակվող Ռոման Յարեմչուկը։

Նիդերլանդների հավաքականի հաղթական գոլի հեղինակը դարձավ պաշտպան Դենզել Դյումֆրիսը, որն աչքի ընկավ 85-րդ րոպեին։

C խմբում 3 միավոր ունի նաեւ Ավստրիան, որը Բուխարեստում 3։1 հաշվով հաղթել էր Հյուսիսային Մակեդոնիային։

Երկրորդ տուրում Նիդերլանդների թիմը հունիսի 17-ին Ամստերդամում կընդունի ավստրիացիներին, Ուկրաինան նույն օրը Բուխարեստում կմրցի Հյուսիսային Մակեդոնիայի թիմի հետ։

Եվրո-2020, խմբային փուլ, առաջին տուր

C խումբ

Նիդերլանդներ - Ուկրաինա՝ 3։2 (տեսանյութ)

Ժորժինյո Վեյնալդում, 52, Վաուտեր Վեգորստ, 58, Դենզել Դյումֆրիս, 85 - Անդրե Յարմոլենկո, 75, Ռոման Յարեմչուկ, 79

Ավստրիա - Հյուսիսային Մակեդոնիա՝ 3։1

Շտեֆան Լայներ, 18, Միխայել Գրեգորիչ, 78, Մարկո Արնաուտովիչ, 90 - Գորան Պանդեւ, 28



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.