ՈւԵՖԱ-ն ներկայացրել է Եվրոպայի 16-րդ առաջնության B խմբի առաջին տուրի 2 հանդիպումների լավագույն ֆուտբոլիստներին:
Սանկտ Պետերբուրգում տեղի ունեցած Բելգիա – Ռուսաստան (3:0) հանդիպման լավագույն խաղացող է ճանաչվել իտալական «Ինտերի» հարձակվող Ռոմելու Լուկակուն, որը դարձել էր դուբլի հեղինակ:
Կոպենհագենում անցկացված Դանիա – Ֆինլանդիա (0:1) հանդիպման լավագույն ֆուտբոլիստը Կրիստիան Էրիկսենն է, որը կորցրել էր գիտակցությունն առաջին խաղակեսի վերջնամասում: Դանիայի հավաքականի կիսապաշտպանին մոտ 20 րոպե խաղադաշտում բուժօգնություն ցուցաբերելուց հետո շտապօգնության մեքենայով տեղափոխել էին հիվանդանոց: Իտալական «Ինտերի» 29-ամյա ֆուտբոլիստի վիճակն արդեն կարգավորվել է: Էրիկսենը հիվանդանոցից Facetime-ի միջոցով զանգել էր թիմակիցներին և հայտնել, որ իր վիճակը կարգավորվել է, որպեսզի նրանք շարունակեն խաղը: Հանդիպման վերսկսումից հետո Ֆինլանդիայի հավաքականի ֆուտբոլիստները դանիացի խաղացողներին խաղադաշտում դիմավորեցին ծափողջյուններով:
B խմբի երկրորդ տուրում ռուսները հունիսի 16-ին Սանկտ Պետերբուրգում կմրցեն Ֆինլանդիայի հետ, իսկ Բելգիան հաջորդ օրը Կոպենհագենում կհանդիպի Դանիայի հավաքականի հետ:
"Football is a beautiful game and Christian plays it beautifully," says UEFA President Aleksander Čeferin.
— UEFA EURO 2020 (@EURO2020) June 12, 2021
Tonight's Star of the Match is Christian Eriksen. Wishing you a speedy recovery, Christian. #EURO2020 pic.twitter.com/gJPa7P2nAx
Two-goal hero Lukaku scoops Star of the Match prize @Heineken | #EUROSOTM | #EURO2020 pic.twitter.com/W2Gw7O4IvJ
— UEFA EURO 2020 (@EURO2020) June 12, 2021
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։