Եվրո-2020. Շվեյցարիան ու Ուելսը չպարզեցին հաղթողին (ֆոտո, վիդեո)

18:55   12 հունիսի, 2021

11 երկրների 11 քաղաքներում անցկացվող ֆուտբոլի Եվրոպայի 16-րդ առաջնության խմբային փուլի առաջին տուրի A խմբի երկրորդ խաղում մրցեցին Շվեյցարիայի և Ուելսի հավաքականները, որոնք բաժանվեցին խաղաղությամբ՝ 1:1:

Հանդիպման 2 գոլերն էլ գրանցվեցին ընդմիջումից հետո: Շվեյցարիայի հավաքականի կազմում հաշիվը բացեց Մյոնխենգլադբախի «Բորուսիայի» կիսապաշտպան Բրիել Էմբոլոն, որի գոլին բրիտանացիները պատասխանեցին «Քարդիֆի» հարձակվող Կիֆել Մուրի դիպուկ հարվածով:

Հիշեցնենք, որ A խմբի առաջին խաղում Իտալիայի հավաքականը 3:0 հաշվով վստահ հաղթանակ էր տարել թուրքերի նկատմամբ:

Երկրորդ տուրում հունիսի 16-ին կկայանա Իտալիա - Շվեյցարիա և Թուրքիա - Ուելս դիմակայություններ:

Եվրո-2020, խմբային փուլ, առաջին տուր

A խումբ

Ուելս – Շվեյցարիա՝ 1:1 (տեսանյութ)

Կիֆել Մուր, 74 - Բրիել Էմբոլո, 49

Ուելս (4-3-3). Դանի Ուորդ, Քոնոր Ռոբերտս, Ջո Ռոդոն, Բեն Դևիս, Քրիս Մեպամ, Ջո Մորել, Ջո Ալեն, Աարոն Ռեմզի, Դենիել Ջեյմս, Կիֆել Մուր, Գարեթ Բեյլ:

Շվեյցարիա (5-2-3). Յան Զոմեր, Կևին Մբաբու, Նիկո Էլվեդի, Ֆաբիան Շեր, Մանուել Ականջի, Ռիկարդո Ռոդրիգես, Ռեմո Ֆրոյլեր, Գրանիտ Ջակա, Ջերդան Շաքիրի, Բրիել Էմբոլո, Հարիս Սեֆերովիչ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։