Երևանի «Արարատը» պաշտոնապես հայտարարել է 6 ֆուտբոլիստներից բաժանվելու մասին։ Հայաստանի գավաթակիրը հրաժեշտ է տվել Գրիգոր Մելիքսեթյանին, Իվան Սպիչկային, Քրիստիան Խիմենեսին, Զավեն Բադոյանին, Դավիդ Խուրցիձեին և Սերոժ Թիթիզյանին:
Գրիգոր Մելիքսեթյանը 2021 թվականի հունվարին էր միացել «Արարատին»:
Իվան Սպիչկան «Արարատում» անցկացրեց երկու մրցաշրջան, մասնակցեց 34 խաղի և դարձավ 1 գոլի հեղինակ:
24-ամյա իսպանացի պաշտպան Քրիստիան Խիմենեսը 2020/21 մրցաշրջանում «Արարատում» անցկացրեց Հայաստանի առաջնության 9 հանդիպում:
Զավեն Բադոյանն «Արարատում» էր 2018/19 մրցաշրջանից: Նա «Արաարտի» կազմում անցկացրել է Հայաստանի առաջնության 65 խաղ և դարձել է 8 գոլի հեղինակ:
Դավիդ Խուրցիձեն «Արարատում» անցկացրած երկու մրցաշրջաների ընթացքում մասնակցել է 48 խաղի և խփել է 6 գոլ:
Սերոժ Թիթիզյանն վեց անգամ է Հայաստանի առաջնության հանդիպումների ժամանակ դաշտ դուրս եկել «Արարատի» մարզաշապիկով:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։