Մանչինի. Վստահ եմ, որ կհասնենք Եվրո–2020–ի կիսաեզրափակիչ
00:07 11 հունիսի, 2021Ֆուտբոլի Իտալիայի հավաքականի գլխավոր մարզիչ Ռոբերտո Մանչինին վստահ է, որ իր ղեկավարած թիմը կհասնի Եվրոպայի առաջնության եզրափակիչ մրցաշարի (Եվրո–2020) կիսաեզրափակիչ։
Իտալիայի հավաքականը հունիսի 11–ին Հռոմում Թուրքիայի թիմի հետ կանցկացնի մրցաշարի բացման հանդիպումը։
«Բացարձակ վստահ եմ, որ մենք կհասնենք Լոնդոն (կիսաեզրափակիչի խաղերն ու եզրափակիչը)։ Երեք տարի առաջ ամենալավատեսական տրամադրվածությամբ եմ գլխավորել Իտալիայի հավաքականը։ Հիմա էլ ունենք ամենամարտական տրամադրվածությունը։
Պետք է հարգանքով վերաբերվենք Թուրքիայի հավաքականին, որի կազմում կան բազմաթիվ տաղանդավոր ֆուտբոլիստներ։ Բացման հանդիպումները միշտ բարդ են»,– Մանչինիի խոսքը մեջբերում է ՈւԵՖԱ–ի մամուլի ծառայությունը։
Եվրո-2020-ի խմբային փուլում Իտալիան, Շվեյցարիան, Թուրքիան ու Ուելսն ընդգրկված են A խմբում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։