Նոբել Առուստամյանը հավատարմագրվել է Եվրո-2020-ին
11:29 10 հունիսի, 2021Ռուսական «Матч ТВ» հեռուստաալիքի ֆուտբոլային մեկնաբան Նոբել Առուստամյանը ստացել է ֆուտբոլի Եվրոպայի առաջնության հավատարմագրում։ Այդ մասին հայտարարել է Ռուսաստան Արտաքին գործերի նախարարության ներկայացուցիչ Մարիա Զախարովան:
«Սպորտային լրագրող Նոբել Առուստամյանին հավատարմագրել են ֆուտբոլի Եվրոպայի առաջնությանը: Հրաշալի է: Շնորհակալություն ՈւԵՖԱ-ին: Շարունակում են աշխատել»,- սոցցանցերում գրել է Մարիա Զախարովան:
Հիշեցնենք, որ Նոբել Առուստամյանը Եվրո-2020-ի հավատարմագրում չէր ստացել Բաքվի կազմկոմիտեի արգելափակման պատճառով: Դրանից հետո Ռուսաստանի ԱԳՆ-ն զբաղվում էր հայ մեկնաբանի հավատարմագրման հարցով:
Կորոնավիրուսի համավարակի պատճառով Եվրո-2020-ը հետաձգվել էր մեկ տարով և կանցկացվի 2021 թվականի հունիսի 11-ից հուլիսի 11-ը: Եվրոպայի առաջնության եզրափակիչ մրցաշարն առաջին անգամ տեղի կունենա 11 քաղաքներում՝ Լոնդոնում, Մյունխենում, Հռոմում, Կոպենհագենում, Բուխարեստում, Ամստերդամում, Սևիլիայում, Բուդապեշտում, Սանկտ Պետերբուրգում, Գլազգոյում և Բաքվում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։