Մոուրինյոն ցանկանում է «Ռոմայում» տեսնել «Զենիթի» հարձակվողին
17:10 8 հունիսի, 2021Իտալական «Ռոմայի» պորտուգալացի գլխավոր մարզիչ Ժոզե Մոուրինյոն ցանկանում է իր ղեկավարած թիմում տեսնել Ռուսաստանի չեմպիոն Սանկտ Պետերբուրգի «Զենիթի» իրանցի հարձակվող Սերդար Ազմունին, հաղորդում է Corriere dello Sport–ը։
Սերդար Ազմունը կդառնա հռոմեական ակումբի գլխավոր տրանսֆերային նպատակը, եթե տապալվի իտալացի հարձակվող Անդրեա Բելոտիի տեղափոխությունն իտալական «Տորինոյից»։ «Ռոման» մտադիր է վաճառել բոսնիացի հարձակվող Էդին Ջեկոյին։
Սերդար Ազմունը «Զենիթում» է խաղում 2019 թվականից։ Հանդես է եկել նաեւ «Ռուբինում» եւ «Ռոստովում»։
Իրանի ազգային թիմում 26–ամյա ֆուտբոլիստը հանդես է գալիս 2014 թվականից։ Ռուսաստանի ավարտված առաջնությունում Սերդար Ազմունը մասնակցել է 24 հանդիպման, խփել 19 գոլ, կատարել երկու գոլային փոխանցում։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.