Հայաստանը 5 մեդալ է նվաճել Սան Մարինոյում (ֆոտո)

Սան Մարինոյում անցկացվող աթլետիկայի Եվրոպայի փոքր երկրների առաջնությունում Հայաստանի թիմը նվաճել է երեք արծաթե եւ երկու բրոնզե մեդալ, հաղորդում է Հայաստանի աթլետիկայի ֆեդերացիայի մամուլի ծառայությունը։

Կանանց 800 մետր վազքում երկրորդ տեղն է գրավել Էլլադա Ալավերդյանը (2:16:10)։ Երվան Մկրտչյանը երկրորդն է եղել 3 հազար մետր վազում (8:14:46)։ Գոռ Բեգլարյանը երկրորդ արդյունքն է ցույց տվել հեռացատկում (7, 42 մ)։ Երրորդ տեղը գրավել է Արտակ Համբարձումյանը (7,39 մ)։

Ռազմիկ Մկրտչյանը անձնական ռեկորդով երրորդն է եղել 200 մետր վազքում(21.59)։

Առաջնությանը մասնակցում են Հայաստանի, Ալբանիայի, Անդորրայի, Կիպրոսի, Կոսովոյի, Վրաստանի, Ջիբրալթարի, Լիխտենշտեյնի, Լյուքսեմբուրգի, Մոլդովայի, Մալթայի, Մոնակոյի, Հյուսիսային Մակեդոնիայի, Չեռնոգորիայի, Սան Մարինոյի եւ Վատիկանի թիմերը։